فيني حكي عـن غيابـك بـس مـا قلتـه ..
--------------------------------------------------------------------------------
يهزنـي لـك حنـيـن ٍ مــا تحملـتـه ..
حتى تطيـح الدمـوع و تنشـف أهدابـي ..
و الشوق ما عمر قلبـي جـاوب أسألتـه ..
يا ليت تدري غيابـك و يـش سـوا بـي ..
طعـم الأغانـي بـبعـدك مــا تقبلـتـه ..
لا الشعر شعـري ولا الإعجـاب إعجابـي ..
و الحلـم قـدام عينـي طـاح مـا شلتـه ..
مافيـه أقسـى مـن إنـي أفقـد أحبابـي ..
القلـب مـن بعدمـا الأشـواق أشغلـتـه ..
كنـه يبـث الحـزن و يطيّـر أسـرابـي ..
القلـب خسـران فـي بعـدك معادلـتـه ..
لا زاد عنـي غيابـك .. زدت بـعتـابـي ..
فيني حكي عـن غيابـك بـس مـا قلتـه ..
تعـال ناظـر عيونـي وإنــت أدرى بــي
كـف المواصـل فـبعـدك كـم توسلتـه ..
ياخذنـي يمـك أو يجيبـك علـى بـابـي ..
يا كثر مـا جيـت فـي بالـي و شاغلتـه ..
و يا كثر ما أحسب و لجلك ضعت بـحسابي ..
جـرح المفـارق حبيبـي كيـف حللتـه .. ؟
من بعد ما كنت لـي أقـرب مـن ثيابـي ..
قلي وش اللي قدرتـه بـس مـا طلتـه ! ..
كل ما أشوف الأمـل .. أفتحـه لـه أبوابـي
كـل شـي يمكـن يجيبـك لـي حاولتـه ..
حتـى ولـو فـي مسيـري زادت أتعابـي ..
و آرد خايـب و لا بـه شـي حصلـتـه ..
و أبكـي غيابـك و تبكـي حالـي أقـرابـي
شفنـي تمثنيـت عمـري لـك و أهملتـه ..
شفنـي تبعـت الشعـور العـذب بركـابـي
تعـال حتـى لــو شـعـوري تثاقلـتـه ..
الدمـع جـرّح لـي خــدودي و أهـدابـي
يا أكثـر إنسـان فـي هـالكـون دللتـه ..
هو فيه أقسى من إني أفقـد أحبابـي .... ؟؟؟
البوابة 
أحدث الصور 
